Ammoled ද? IPS LCD ද? Retina ද? TFT ද? මොකද්ද සුපිරිම?

අද පොඩි විස්තරයක් කියන්න යන්නෙ Ammoled ඩිස්ප්ලේ සහ IPS LCD ඩිස්ප්ලේ ගැන. මේ ගැන හැමදාමත් කස්ටිය වළි දාගන්න නිසා  වළි දාගන්නෙ නැතුව අපි බලමුද මේ 2ම තාක්ෂණික පැත්ත පොඩ්ඩක්..

**TFT ඩිස්ප්ලේ ගැන කතාබහ පසුකාලීනව කතා කිරීමට බලාපොරොත්තු වෙමු! 

මොකද TFT වර්තමානයේ බාවිතය අඩු නිසාත් එහි යම් යම් සැලකිය යුතු දෝෂ තිබෙන නිසාත්! දැනට TFT ඩිස්ප්ලේ යොදාගෙන වැඩිපුරම දුරකථන SONY සමගම විසින් නිපදවා ඇතත්,ඔවුන්ගේ නවතම මාදිලි ips lcd සහිතව පැමිණේ!


IPS LCD :
IPS යනු කොරියාවේ LG සමාගම විසින් වැඩිදියුණු කරපු LCD ඩිස්ප්ලේ එකක් මයි. ඒනිසා අපි LCD ගැන බලමු.
LCD (Liquid Crystal Display)මේකෙ සියලුම කලර්ස්..ඒකියන්නේ ඕනෑම පාටක් පෙන්වීමට පුලුවන් "රතු" ,"කොළ" ,"නිල්" කියන වර්ණ පික්සල් එකක එකම කලර් ෆිල්ටරයක් මගින් පෙන්නනව.පික්සලයක්(pixel) කියන්නෙ හොදට බැලුවම ඔයාගෙ ඩිස්ප්ලේ එකේ පේන ඉතාම කුඩා Dots වලට.　මෙහිදී ක්‍රිස්ටල් ලෙස හදුන්වන තරංග කලර් ෆිල්ටරය දෙසට ප්‍රක්ශේපණය කිරීමෙන් වර්ණ පෙන්වනව.ක්‍රිස්ටල් ප්‍රමාණය පාලනය කරන්න මේ පික්සල් වල පිටිපස්සෙ තියෙන්නෙ ට්‍රාන්ස්සිස්ටරයක්.　මේ ට්‍රාන්ස්සිස්ටරයත් යට තියෙන්නෙ BackLight එකක්.　මේ BackLight එක තියෙන්නෙ LCD ඩිස්ප්ලේ වල විතරයි. මොකද LCD Pixel වර්ණ ගැන්වුනාට ඒ පාටවල් අපිට පේන්නෙ නෑනෙ. මොකද ආලෝකයක් නැතුව අපිට කිසිම පාටක් පේන්නෙ නෑනෙ. ඒනිසා තමයි මේ පික්සල වලට යටින් බැක්ලයිට් එකක් තියෙන්නෙ. මේ බැක්ලයිට් එකේ එළිය නිසයි පාට වෙන පික්සෙල් අපිට පේන්නෙ. ඒත් අවාසනාවට මේ බැක් ලයිට් එකේ එළිය නිසා ඩිස්ප්ලේ එකේ වර්ණ වලට අමතරව සුදු පාට එළියකුත් අපිට පේනව.


IPS Retina : 

(වම : retina රහිත iPhone 3GS, දකුණ : retina iPhone 4)

retina ඩිස්ප්ලේ යනු ඇපල් සමාගමේ සංකල්පයක් වන අතර එය LG සමාගමේ IPS ඩිස්ප්ලේ එකෙහි පික්සල් දෙන්සිටි එක අක්ෂ 2ක ඔස්සේම දෙගුණයක් පමණ වැඩිකොට තැනුවකි! එනම් සාමාන්‍ය ips පැනලයක මෙන් දෙගුණයකට අසන්න පික්සල ධාරිතාවකින් මෙම ඩිස්ප්ලේ එක සමන්විත වේ! ඒ හැරුණු විට ෆිල්ටර වල යම් යම් දියුණු කිරීම්ද හැරුණු කොට ips lcd තාක්ෂණයෙන් වැඩිමනත් වෙනසක් නැත! නමුත් පික්සල ධාරිතාව මෙහි අධික නිසා ඉතා සුපැහැදිලි දසුන් දැකගත හැක!


iPhone 4 සිට 6s plus දක්වා සියලු iPhone තුලත්,iPad,iPod,MacBook යනාදියෙත් දැනට මෙම retina ඩිස්ප්ලේ එක නිකුත් කර ඇත!


iPhone ඩිස්ප්ලේ එක මුනට ලංකර බැලුවද,කුඩා පික්සල වශයෙන්වත් දැකීමට අසීරු වන්නේ,පික්සල කුඩා වීමත්,පික්සල ගණත්වය වැඩිවීමත් නිසාය. Apple සමගම වෙනුවෙන් දැනට retina ඩිස්ප්ලේ නිපදවීම සිදුකරන්නේ කොරියාවේ LG සමගම(IPS LCD founder) විසිනි.




Super AMOLED :  
සුපර් ඇමෝලෙඩ් කියල මේ Ammoled වලට සුපර් කෑල්ලක් එකතු කලේ සැම්සුන්ල විසින්. මොකද සැම්සුන්ලගෙ Ammoled display වලට එයාල Touch digitizer එක ඇලෙව්ව. ඒකනෙ සැම්සුන් Ammoled පෝන් වල touch/display එකට එන්නෙ. මේ නිසා ඩිස්ප්ලේ එකයි touch එකයි අතර ගැප් එක අහිමි වීමෙන් ඩිස්ප්ලේ එක slim වුනා.　ඒනිසා ටච් කරනකොට ඩිස්ප්ලේ එකයි අපේ ඇගිලි අතර පරතරයත් අඩුවීමෙන් ඩිස්ප්ලේ එක ෆෝන් එකේ glass එක මට්ටමේම තියෙනවා කියන හැගීම user ට දැනෙනවා.　සුපර් නැති Ammoled වල touch digitizer එක තියෙන්නෙ වෙනම. ඔච්චරයි වෙනස.
AMOLED කියන්නේ Active Matrix Organic Light Emmiting Display කියන එකයි.මේකෙන් අපිට වැදගත් වෙන්නේ OLED කියන කොටස.මේ Oled තාක්ෂණයේදී "රතු" "නිල්" "කොළ" කියන වර්ණ 3ට අදාළ පික්සල එක ලග වෙන වෙනම පිහිටා තිබෙනවා.සැබවින්ම මේ පික්සල් වෙන මොනවත් නෙමෙයි. ඉතාම කුඩා.. LED බල්බ විශේෂයක්. එහෙමත් නැත්නම් Diode විශේෂයක්.　පික්සලයක් කියන්නේ මේ එක බල්බයකට.පාට 3 සදහා වෙන වෙනම බල්බ 3 ගානේ රටාවකට පිහිටුවා තියෙනව.
 (ammoled ෆෝන් එකක තිරය මතට වතුර බින්දුවක් වැටුණු විට ඒ වතුර බින්දුව තුලින් රතු,නිල්,කොළ වර්ණ 3හි පික්සල වර්තනය වී වෙන වෙනම කුඩාවට දැක ගත හැකි වේ.)

ඇටෑච් කල්ල තියෙන රූපෙ බලන්න.


ඒකෙ තියෙන්නෙ Ammoled ඩිස්ප්ලේ එකක "and" කියල පෙන්වන දර්ශනයක්.　පාට 3ට අදාළ බල්බ නැත්නම් පික්සල් පිහිටුවා ඇති රටාව ඔබට පෙනේවි.දැන් ඔය පින්තූරෙ දිහා ඇස් 2ක බොද කල්ල බලන්න. එතකොට අපිට පේනව සුදු පාට පසුබිමක කලුපාටින් "and" කියල වැටිල තියෙනව.
මේවා බල්බ නිසා මේවගෙ පාටවල් පෙන්වන්නේ බල්බයේ ආලෝකයෙන්මයි. එනම් බල්බයෙන් විහිදෙන්නේ අදාළ පාට සහිත ෆෝටෝන.මේනිසා Ammoled වලට බැක්ලයිට් එකක් ඕන වෙන්නෙ නෑ. මේ පාට වල brightness control කරන්නේ මේ බල්බ වලට ලැබෙන current එක transistor එකක් මගින් අඩු වැඩි කිරීමෙන්.මේ නිසා LCD වල වගේ අනවශ්‍ය සුදු පාටක් අපිට ඩිස්ප්ලේ එකේ පේන්නෙ නෑ. අපිට දකින්න අවශ්‍ය පාට පමණයි පේන්නෙ.අපිට කලු පාට යමක් පෙන්වන්න ඕන වුනාම මේ බල්බ ඒ කලු පාට පෙන්වන්න ඕන ප්‍රදේශයේ නිවී යනව.සුදු පාට පෙන්වන්න ඕන වුනාම ඒ ප්‍රදේශයේ සියලුම බල්බ දැල්වෙනව.මොකද කලු කියන්නෙ පාටක් නෑ කියන එකනෙ.සුදු කියන්නෙ සියලුම පාට වල එකතුව.
"රතු" ,"නිල්" ,"කොළ්" කියන විද්‍යාවේ මූලික පාට 3හි එකතුවෙන් පුලුවන් මේ ලෝකෙ තියෙන ඕනෙ පාටක් පෙන්වන්න.ඒ කොහොමද කියල 10 වසරෙ විද්‍යාවට උගන්නල ඇති ඈ.　

එහෙනම් IPS LCD සහ AMMOLED කොම්පෙයාර් කල්ල බලමු ඕකටනෙ බලන් හිටියෙ.


     ( වම : ammoled, දකුණ : ips retina)

 
(වම : ammoled, දකුණ : ips retina)               ඈත්තම කීවොත් මේ 2ම කම්පෙයාර් කරන්න බෑ හොදේ. මොකද කියනවනම් මේ 2ම හොද කොලිටි රූප පෙන්වනව. LCD පරණ උනත් LCD යොදාගෙන තවමත් OPPO,LG, HTC,APPLE,Xperia වැනි high end පෝන් සදහා qhd ඩිස්ප්ලේ හදනව.නමුත් ඇස් දෙකට සනීප හොදම වර්ණ පෙන්වීම අතින් Amoled ඉදිරියෙන්.තනි තනි පික්සලය සදහා අවශ්‍ය ආලෝකය එම පික්සලයෙන්ම නිපදවෙන නිසා..බැක් ලයිට් එකක් නැති නිසා Amoled වලට සාපේක්ෂව වැයවෙන විදුලිය අවමයි.
LCD ට සාපෙක්ශව Amoled හි Contrast ratio වැඩී.　

සැම්සුන් වල කලර් බූස්ට් කල්ල කියල සමහරු බොරුවට කෑගැහුවට එහෙම දෙයක් වෙලා නෑ. Contrast ratio එක සාපේක්ශව වැඩි වීමක් පමණයි Amoled වල තියෙන්නේ.නමුත් අවාසනාවට Amoled ඩිසප්ලේ වලට පොදු ලෙඩක් තියෙනව.එනම් ඩිස්ප්ලේ එකේ පික්සල..එහෙම නැත්නම් අර කලින් කියපු බල්බ්ස් burn-in (දැවී යාමක්) සිදුවෙන්න පුලුවන්. එහෙම උනොත් අපිට ඩිස්ප්ලේ එකේ සමහර තැන් වල කලර් පැචස් දකින්න පුලුවන්. මේක බොහෝ විට වෙන්නෙ Amoled ඩිස්ප්ලේ වල එකම රූපය බොහෝ වේලාවක් දර්ශණය වුනාම.

ඒනිසා මේ ඩිස්ප්ලේ තාක්ශණ 2ක කම්පෙයාර් කොට එකක් හොදයි කියන්න බැරි බව මේ පිළිබද ප්‍රසිද්ධ වෙබ් අඩවි පවසනවා.

***වර්ණ පෙන්වීම අනුව ammoled/ips lcd හි විදුලි බල වැයවීම (power consumption). 


ඔබගේ ඩිස්ප්ලේ එකෙහි විදුලි බලය අඩුවෙන්ම වැයවන වර්ණයෙන් තීම් තෝරා ගැනීමෙන් බැටරි ආයු කාලය යම් තරමක් දීර්ඝ කරගත හැක! (Android 6.0 marshmallow මෙහෙයුම් පද්ධතියේ සිට light/dark තීම් ඔබට තෝරා ගැනීමට ඉඩ සලසා ඇත!)